سئید علی عمادالدّین نسیمی (سید محمد اوْغلو) (1370-1404). آذربایجانلی عاریف و شاعیر و متفکّریدی. سیّد علی عمادالدّین نسیمی 1370-جی ایلده دونیایا گلیب. دوغوم یئری شیرواندیر. بعضی تدقیقاتچیلار (محققلر) اونون باکیدان اوْلدوغونو ایدیعا ائدیرلر، بعضی لری ده نسیمی نین دوغوم یئری کیمی شیروانشاهلارین پایتختی شاماخینی گؤستریرلر. نسیمی یارادیجیلیغی نین آنا خطی اینسانین آللاهلا عئینی لشدیریلمه سی و ایلاهیلیگی ایدئیاسیندان کئچیر. نسیمینین دیوانی و کوللیاتی آذربایجاندا، تورکیهده و ایراندا دفعهلر نشر اوْلوبدور. آذربایجاندا پروفسور جهانگیر قهرماناوف و تورکیه ده پروفسور حسین اعیان و ایران دا پروفسور حسین محمدزاده صدیق (حسین دوزگون) علمی ایشلر گؤرموشلردیر.