حسین جاوید
حسین جاوید آذربایجانلی شاعیر، یازیچی، دراماتورق و آذربایجان ادبیاتیندا روْمانتیزم ادبی جریانینین اساس شخصیتلریندندیر. حسین جاوید میلّی روْمانتیک شعرین و منظوم تراژدینین بانیسیدیر.
حسین جاوید ۱۸۸۲-جی ایلده ناخچیوانین ایندیکی کنگرلی رایونونون شاهتاختی کندینده رۇحانی عائلهسینده دۆنیایا گؤز آچیب. ایبتیدایی تحصیلینی ناخچیواندا موْلّا مکتبینده آلمیش، اوْرتا تحصیلینی "مکتب-تربیه" آدلی یئنی اۆصوللو مکتبده باشلامیشدیر. ۱۸۹۹-۱۹۰۳-جۆ ایللرده جنوبی آذربایجاندا اوْلموش، تبریزین طالبیه مدرسهسینده تحصیلینی داوام ائتدیرمیشدیر. ایستانبول یۇنیورسیتهسینین ادبیات شؤعبهسینی بیتیرمیش (۱۹۰۹)، ناخچیواندا، سوْنرا ایسه گنجه و تیفلیسده، ۱۹۱۵-جی ایلدن ایسه باکیدا مۆعلّیملیک ائتمیشدیر. حسین جاوید کلاسیک آذربایجان ادبیاتینین عنعنهلرینی اینکیشاف ائتدیرن صنعتکارلارداندیر. اوْ، ۲۰-جی عصر آذربایجان مۆترقی روْمانتیزمینین بانیلریندن بیری اوْلموشدور. حسین جاویدین صنعتی ژانر و فوْرم جهتدن دیرلیدیر. اوْنون اثرلری، لیریک شعرلر، لیریک-ائپیک، ائپیک پوئمالار و آذربایجان ادبیاتیندا ایلک منظوم تراژدی و دراملاری شامیل اوْلور.