احمد جواد ۱۸۹۲ ده گنجهنین سیفعلی کندینده آنادان اولموش و ۱۹۰۱ ده گنجهده آچيلان «مكتب روحانيه» یه گیرمیش و ۱۹۰۹ دا بو مکتبدن مأذون اولوب ۱۹۱۲ يه قدر ده گنجهده موعلیملیک ائتمیشدیر. ۱۹۱۲ ده تورکیه بالکان حربینه گیردیگی زامان احمد جواد عبداله شائق له بیرلیکده، ایستانبولدا قورولان «قفقاز گؤنوللو قطعه» سینده داخیل اولاراق عوثمانلیلارلا برابر تورکیه جبههسینده موحاریبهیه ایشتیراک ائتمیشدیر. بالکان ساواشی بيتندن سونرا یوسف آق چورالینین تؤوصیهسیله هر ایکی شاعیر آذربایجانا دونموشلر.
احمد جواد غرب، روس و گورجی کلاسیکلریندن دیلیمیزه ترجومهلر ائتميش و خلق ادبياتيندان شفاهى پارجالارى توپلاميشدیر. ۱۹۳۷ ده گیزلی پوليس طرفيندن توتولوب و اوندان سونرا اوندان بير خبر آلينماميشدير. احمد جواد بوتون عؤمرونده آذربایجانین ایستیقلالی اوچون چالیشمیش، موباریزه ائتمیش، شعرلرینده بو فیکر و ایدهآلی ترنوم ائتمیش و سونوندا حیاتینی دا بو یولدا فدا ائتمیشدیر. او اؤز مؤوقعیتینی بو شعریله بئله بيان ائتميشدير:
سورانلارا من بو یوردون،
آنلاتاییم نهسییم.
من چئیننن بیر اولکهنین،
حق باغیران سسییم!