دۆشور یادیما هردن
مکتب حیطینده من
یولونا گؤز دیکردیم،
قلبیم سؽزلاردی بیردن
سن درسه گلمهینده...
دوروب-دوروب آناردیم،
گیزلی-گیزلی یاناردیم.
نئچه دوستون ایچینده
اؤزومو تک ساناردیم.
سن درسه گلمهینده...
زنگ سسی اوجالاردی،
اوشاقلار سؤز آلاردی.
گؤزلریم بوش ماساندا.
فیکریم سنده قالاردی
سن درسه گلمهینده...
دؤزمهییب بونا بعضاً
دۆشوب گاه دا هوسدن
نه دانیم حقیقتی،
قاچاردیم من ده درسدن
سن درسه گلمهینده...