یورغوندور، یاتماییر هاچاندان باکی،
دویوب یاد ائللیدن، قاچقیندان باکی.
اۆزولوب، اؤلهجک آجیندان باکی،
مغرور گؤرونسه ده او جان اۆستهدیر،
باکینین دردی وار باکی خستهدیر.
یالتاقلار دستهسی باش آلیب گئدیر،
غئیرت یاواش-یاواش بوشالیب گئدیر،
مکتبلی قؽزلار دا قاش آلیب گئدیر،
ارلی ده، ارسیز ده بیر هوسدهدیر.
باکینین دردی وار، باکی خستهدیر.
عصرلر ایتیردیک ایللر ایچینده،
قانقاللار بیتیردیک گۆللر ایچینده،
چاققاللار دولاشیر ائللر ایچینده،
آسلانلار، پلنگلر داش قفسدهدیر،
باکینین دردی وار، باکی خستهدیر.
او، جؽدیر دۆزویچون چادیر آغلاییر،
چادیر اؤولادییچون جؽدیر آغلاییر،
ناموس ایتکین دۆشوب آبیر آغلاییر،
کؤمکسیز قؽز-گلین دسته-دستهدیر.
باکینین دردی وار، باکی خستهدیر.
سن ای «قؽز قالاسی» قالاسان هله،
سنی همیشه قؽز قالاسان هله،
دردینی پۆنهانا قالا سن هله،
تا کی، گؤز یوللاردا قولاق سسدهدیر،
باکینین دردی وار باکی خستهدیر.